سلوكيات يجب تعليمها لأطفالنا

نتمنا جميعا أن يكون أولادنا مميزين ومثاليين بالأخلاق الحميدة والسلوكيات الصحيحة ، وهى مشكلة كل أم تسعى لحلها وتبذل أقصى مجهود فى تربية أولادها ، وبعض الأمهات تنجح فى تحقيق ذلك والبعض الأخر من الأمهات قد تفشل فى تحقيقه ، وذلك بسبب عدم سماع نصائح الوالدين وعناد الأولاد وعدم الأستجابة ، وأليكى بعض النصائح الهامة جدآ الواجب تعليمها لأولادك وهى كالأتى:-

1-عدم أحترام المواعيد أستهتار .

2- التطاول على المدرسين قلة أدب .

3- التنمر مش قوة .

4- الأعتراف بالخطأ مش ضعف .

5- لو مش فاهم أسأل حد كبير عشان يساعدك .

6- السخرية من الأخرين متضحكش .

7- الكذب مش شطارة .

8- متمدش أيدك على بنت .

9- لو دخلت بيت حد مطلعش سره بره .

10- وطى صوتك وأنت بتكلم حد كبير .

11- قول الحق ولو على رقبتك .

12- مترميش حاجة فى الشارع .

13- نضف مكان مبهدلت .

14- متتصلش بحد فى وقت متأخر .

15- متزورش حد فجأة لازم تستأذن الأول .

16- ماتبقاش قاعد وحد كبير واقف .

17- لما تخبط على حد فى شقته أقف بعيد عن الباب .

18- قول شكرآ على كل حاجة تتقدم ليك .

19- قول نعم مش أيه .

20- قول حضرتك مش أنت .

21- ماتحطش رجل على رجل قدام حد كبير .

22- ما تسرفش فى تناول الطعام.

23- عدم تقليد الأخرين دون فهم .

24-كل من اللى قدامك و ماتبصش لغيرك .

25-سمى قبل ما تاكل .

26-ما تقاطعش حد كبير وهو بيتكلم .

27-ماتوقفش على الكنبة بالحزاء .

28- ماتجريش وأنت فى البيت عشان متكسرش حاجة .

29- ماتخدش فلوس ألا لما تأخذ الأذن أولآ ، ولا تفتح الأشياء الخاصة دون علم صاحبها .

30- أعرف تفرق بين الخيال والحقيقة ،لأن مش كل اللى بيجى فى الكرتون حقيقى .

وبعد كل هذه النصائح الهامة لتجنب السلوكيات الخاطئة ، عليكى أن تكونى صبورة فى تعليم أولادك ، فمن يزرع الشجرة يصبر حتى تثمر ، وعليكى أن تمدحية دائما أمام الأخرين لتشجيعية على فعل السلوك الصح ، وتكافئية على تصرفه بشكل جيد .